“ਔਰਤ ਦੇ ਸਨਮਾਨ ਵਿੱਚ ਪੰਜਾਬ ਇਸਤਰੀ ਸਭਾ ਮੈਦਾਨ ਵਿੱਚ”
ਪੰਜਾਬ ਇਸਤਰੀ ਸਭਾ ਨੇ ਨੈਸ਼ਨਲ ਫੈਡਰੇਸ਼ਨ ਆਫ ਇੰਡੀਅਨ ਵੋਮੈਨ ਦੇ ਸੱਦੇ ਤੇ 30 ਜਨਵਰੀ ਨੂੰ ਪੰਜਾਬ ਵਿੱਚ “ਔਰਤ ਦੇ ਸਨਮਾਨ ਵਿੱਚ ਪੰਜਾਬ ਇਸਤਰੀ ਸਭਾ ਮੈਦਾਨ ਵਿੱਚ” ਮੁਹਿੰਮ ਦੀ ਸ਼ੁਰੂਆਤ ਕੀਤੀ
ਵਰਨਣ ਯੋਗ ਹੈ ਕਿ ਇਸ ਵੇਲੇ ਔਰਤ ਜਾਤੀ ਨੂੰ ਗੰਭੀਰ ਚੁਨੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਔਰਤਾਂ ਦੀ ਛੇੜਛਾੜ, ਬਲਾਤਕਾਰ ਅਤੇ ਕਤਲ ਆਮ ਹੋ ਗਏ ਹਨ।
ਵਿਚ ਬਹੁਤ ਔਰਤਾਂ ਦਾ ਬਲਾਤਕਾਰ ਹੋਇਆ ਅਤੇ ਕਈ ਕਤਲ ਵੀ ਹੋ ਗਈਆਂ।ਬੀ .ਜੇ .ਪੀ ਸ਼ਾਸਤ ਰਾਜਾਂ ਵਿੱਚ ਇਹ ਵਰਤਾਰਾ ਆਮ ਹੈ।ਹਾਕਮ ਧਿਰ ਪੀੜਤਾਂ ਦੀ ਮਦਦ ਕਰਨ ਦੀ ਬਜਾਏ ਜਾਲਮ ਅਤੇ ਗੁੰਡਾ ਕਿਸਮ ਦੇ ਲੋਕਾਂ ਦੀ ਪਿੱਠ ਤੇ ਖੜੀ ਹੁੰਦੀ ਹੈ। ਜਿਸ ਤੋਂ ਸਮਝ ਲੱਗਦੀ ਹੈ ਕਿ ਇਸ ਕਿਸਮ ਦੇ ਗੁੰਡਿਆਂ ਨੂੰ ਸਰਕਾਰੀ ਪੁਸ਼ਤ ਪਨਾਹੀ ਹਾਸਲ ਹੈ ਬਿਲਕੀਸ ਬਾਨੋ ਕੇਸ ਵਿੱਚ ਦੋਸ਼ੀਆਂ ਨੂੰ ਛੱਡ ਦੇਣਾ ਅਤੇ ਜੇਲ ਤੋਂ ਬਾਹਰ ਆਉਣ ਤੇ ਉਹਨਾਂ ਦਾ ਸ਼ਾਨਦਾਰ ਸਵਾਗਤ ਕਰਨਾ ਗੁੰਡਾਗਰਦੀ ਨੂੰ ਸ਼ਹਿ ਦਿੰਦਾ ਹੈ।
ਔਰਤ ਦੀ ਹੋ ਰਹੀ ਬੇਕਦਰੀ ਨੂੰ ਵੇਖ ਕੇ ਨੈਸ਼ਨਲ ਫੈਡਰੇਸ਼ਨ ਆਫ ਇੰਡੀਅਨ ਵੋਮੈਨ ਨੇ ਫੈਸਲਾ ਕੀਤਾ ਹੈ ਕਿ ਸਾਰੇ ਦੇਸ਼ ਵਿੱਚ 30 ਜਨਵਰੀ ਤੋਂ ਲੈ ਕੇ 15 ਫਰਵਰੀ ਤੱਕ ਵੱਖ-ਵੱਖ ਢੰਗਾਂ ਨਾਲ ਇਸ ਵਿਸ਼ੇ ਤੇ ਐਕਸ਼ਨ ਕੀਤੇ ਜਾਣਗੇ ਇਸ ਦੇ ਨਾਲ ਨਾਲ ਆਪਣੇ ਲੋਕਲ ਮੁੱਦੇ ਵੀ ਜੋੜ ਲਏ ਜਾਣਗੇ।
ਪੰਜਾਬ ਇਸਤਰੀ ਸਭਾ ਨੇ ਇਸ ਮੁਹਿੰਮ ਦੀ ਸ਼ੁਰੂਆਤ 30 ਜਨਵਰੀ ਨੂੰ ਦੋ ਜਿਲਿਆਂ ਵਿੱਚ ਵੱਡੇ ਪ੍ਰੋਗਰਾਮ ਕਰਵਾ ਕੇ ਕੀਤੀ ਫਰੀਦ ਕੋਟ ਵਿੱਚ ਜਿਲਾ ਪ੍ਰਧਾਨ ਮਨਜੀਤ ਕੌਰ ਨੇ ਆਪਣੀਆਂ ਸਾਥਣਾਂ ਨਾਲ ਰਲ ਕੇ ਇੱਕ ਵੱਡਾ ਇਕੱਠ ਕੀਤਾ ਜਿਸ ਨੂੰ ਸੰਬੋਧਨ ਕਰਨ ਵਾਸਤੇ ਨਰਿੰਦਰ ਸੋਹਲ ਸੂਬਾ ਜਨਰਲ ਸਕੱਤਰ ਪਹੁੰਚੇ। ਇਸ ਤੋਂ ਇਲਾਵਾ ਸੀਪੀਆਈ ਆਗੂ ਅਸ਼ੋਕ ਕੁਮਾਰ ਕੌਸ਼ਲ ਜੀ ਨੇ ਵੀ ਸੰਬੋਧਨ ਕੀਤਾ। ਨਰੇਗਾ ਵਰਕਰ ਇਸ ਰੈਲੀ ਵਿੱਚ ਵੱਡੀ ਗਿਣਤੀ ਵਿੱਚ ਪਹੁੰਚੇ ।ਇਸੇ ਕਰਕੇ ਪੰਜਾਬ ਇਸਤਰੀ ਸਭਾ ਨੇ ਨਰੇਗਾ ਵਰਕਰ ਵਾਸਤੇ 700 ਰੁਪਏ ਦਿਹਾੜੀ ਅਤੇ 200 ਦਿਨ ਕੰਮ ਦੀ ਮੰਗ ਦੀ ਹਮਾਇਤ ਕੀਤੀ।
ਤਰਨ ਤਾਰਨ ਜਿਲੇ ਦੀ ਪੰਜਾਬ ਇਸਤਰੀ ਸਭਾ ਨੇ 30 ਜਨਵਰੀ ਨੂੰ ਵਲਟੋਹਾ ਬੁਲਾਕ ਵਿੱਚ ਇੱਕ ਸ਼ਾਨਦਾਰ ਪ੍ਰੋਗਰਾਮ ਕੀਤਾ, ਜਿਸ ਦੀ ਤਿਆਰੀ ਸੂਬਾ ਵਿੱਤ ਸਕੱਤਰ ਕਿਰਨਬੀਰ ਵਲਟੋਹਾ ਨੇ ਕੀਤੀ। ਸੂਬਾ ਪ੍ਰਧਾਨ ਰਜਿੰਦਰ ਪਾਲ ਕੌ,ਰ ਜਿਲਾ ਪ੍ਰਧਾਨ ਸੀਮਾ ਸੋਹਲ ,ਜਿਲਾ ਜਨਰਲ ਸਕੱਤਰ ਰੂਪਿੰਦਰ ਮਾੜੀ ਮੇਘਾ ਅਤੇ ਸੂਬਾ ਸਰਪਰਸਤ ਨਰਿੰਦਰ ਪਾਲ ਪਾਲੀ ਸਮੇਤ ਇਕ ਵੱਡਾ ਕਾਫਲਾ ਗੱਡੀਆਂ ਦਾ ਲੈ ਕੇ ਜਿੰਨਾ ਉੱਤੇ ਆਪਣੀਆਂ ਮੰਗਾਂ ਸਬੰਧੀ ਪੋਸਟਰ ਲਗਾਏ ਹੋਏ ਸਨ ਅਤੇ ਸਪੀਕਰ ਰਾਹੀਂ ਸੰਦੇਸ਼ ਦਿੰਦਾ ਹੋਇਆ ਵੱਖ ਵੱਖ ਬਲਾਕਾਂ ਚੋਂ ਲੰਘ ਕੇ ਵਲਟੋਹਾ ਵਿਖੇ ਪਹੁੰਚਿਆ। ਜਿੱਥੇ ਇਹਨਾਂ ਸਾਰੇ ਆਗੂਆਂ ਨੇ ਸੰਬੋਧਨ ਕਰਕੇ ਸਰਕਾਰ ਦੀਆਂ ਨਾਕਾਮੀਆਂ ਦਾ ਅਤੇ ਆਪਣੀਆਂ ਮੰਗਾਂ ਦਾ ਵਰਨਣ ਕੀਤਾ ਪੰਜਾਬ ਇਸਤਰੀ ਸਭਾ ਨੇ ਰੁਜ਼ਗਾਰ, ਮੁਫਤ ਅਤੇ ਲਾਜ਼ਮੀ ਸਿੱਖਿਆ ਸਿਹਤ ਸਹੂਲਤਾਂ ਆਦਿ ਨੂੰ ਵੀ ਆਪਣੀਆਂ ਮੰਗਾਂ ਵਿੱਚ ਸ਼ਾਮਿਲ ਕੀਤਾ ਇਸ ਤੋਂ ਇਲਾਵਾ ਫਿਰਕਾ ਪ੍ਰਸਤ ਤਾਕਤਾਂ ਤੋਂ ਲੋਕਾਂ ਨੂੰ ਜਾਗਰੂਕ ਕੀਤਾ ਇਹ ਮੁਹਿੰਮ 15 ਫਰਵਰੀ ਤੱਕ ਜਾਰੀ ਰੱਖੀ ਜਾਏਗੀ ਅਤੇ ਵੱਖ-ਵੱਖ ਜਿਲਿਆਂ ਵਿੱਚ ਰੈਲੀਆਂ ਕਰਵਾ ਕੇ ਲੋਕਾਂ ਤੱਕ ਪਹੁੰਚ ਕੀਤੀ ਜਾਵੇਗੀ।
ਰਜਿੰਦਰ ਪਾਲ ਕੌਰ